وصية حسنى مبارك
التفت الأسرة حول فراش الزعيم وهو يلفظ أنفاسه الأخيرة
قال الزعيم بصوت
ضعيف ولكنه حازم فى نفس الوقت
حسنى: كلكم موجودين
سوزان: أيوه يا حسنى ... أنا جنبك أهه ... وأدى جمال وعلاء ... أمرين دول ولا عينين
حسنى: طب إسمعوا اللى حأوله كويس
جمال: سامعينك يابابا ... إتكلم
حسنى: مصر دى كنز ياولاد ... إمكسوا فيها بإيديكم وسنانكم
... بنسرق فيها بئالنا سنين وسنين ولسه بتدينا
علاء: هيا دى البركة اللى بئولوا عليها يابابا
حسنى: أيوه يابنى ..... ربنا يبارك لكم ولعيالكم فيها
.. ودلوئتى
علاء: إنته على الهوى يابابا ... إتكلم
حسنى: أنا مش مديون لحد ياولاد ... يعنى أى واحد يصيع
عليكم ويئول لكم أبوكم
كان مستلف منى فلوس تفوا فى وشه على طول
علاء: إطمن يابابا ... حرامى على حرامى ما يلعبش
حسنى: أنا سيبت لكم ياولاد اللى يكفيكم إنتوا وعيالكم
وعيال عيالكم ويفيض ...
فلوس متلتلة متتعدش .... مش حئول لكم حافظوا عليها وبس
لآلآلآلآ ... زودوها كمان وكمان لاجل ما روحى ترتاح
وأنا فى تربتى
جمال: هيا الفلوس اللى إنتا عملتها يابابا دى بتسميها
فلوس .... شفنى أنا وعلاء
حنعمل إيه .... ولا صحيح حتشوفنا إزاى .... عموماً ما
تئلئش
حسنى: ودلوئتى إسمعوا وصيتى ..... الحكم لاولاد مبارك
... لازم أول ما جمال يحلف اليمين تغيروا إسم مصر وترجعوه زى ما كان زمان
أيام الملك فاروق والملكة نازلى (المملكة المصرية(
جمال: مفهوم يابابا .. خش فى اللى بعده
حسنى: الجيش والشرطة والأزهر ... أوعوا واحد من
التلاته دول يخرج عن طوعكم
أبداً
علاء: مفهوم برده . اللى بعده .... ياساتر ده إنته ممل
سوزان:عيب ياعلاء لما تكلم أبوك كده
علاء: بهزر ياماما
حسنى: الهرم لأم العيال ... ليكى ياسوزان بعد ما
خدمتينى بتفانى وإخلاص طول
السنين دى
سوزان: هرم !!!!!!! .... هو دى آخرة صبرى !!! ......
وده يسوى كام ده !!!!
علاء وهو يمسك بالألة الحاسبة : يسوى كتير ياماما ...
لو تحبى أتصرف لك فيه
ممكن يعمل معاكى مبلغ كويس
سوزان: مش ح ارضى باأئل من التلات أهرامات وأبو الهول
حسنى: مش خسارة فيكى ياغالية .... أثار النوبة لعلاء
.... والأقصر لجمال ..
ودلوئتى نيجى للميه .... الساحل الشمالى لعلاء والبحر
الأحمر لجمال
وأناة السويس تخصصوا دخلها صدئة جارية على روحى
سوزان: إنته أكيد مخبول ... مليار ونص دولار صدئة
جارية على روحك!
جمال: ما تاخديش على كلامه ياماما .... ده يبئى كتير
لو طلعنا 100 ولا 200 جنيه على روحه للفوئرا
علاء وهو يمسك بالألة الحاسبة: ممكن نطلع لحد ألف جنيه
يا جمال ... السيولة تسمح
حسنى: أوعوا تفرطوا فى حبيب العادلى من بعدى يا ولاد
... حبيب ألبه ميت وإيده طرشه ... وهوه ده اللى ينفع مع الغجر اللى هنا
جمال: بس ما بيعجبنيش شنبه يابابا
حسنى: إنته مالك ومال أم شنبه ..... إحنا بنشترى مجرم
جمال: أعاهدك يابابا إنى حخليه معايا ومش حفرط فيه
أبداً
حسنى: الشيخ طنطاوى ياولاد راجل بركة ...... يمين يمين
شمال شمال .... أوعوا تفرطوا فيه .....
بس ما تخلوهوش يصلى عليا لأنى بصراحة
مش متأكد إن كان ربنا حيقبل منه ولا لأ
كفر مصيلحة علاء: ولا يهمك يابابا .... حاخلى أنكل كمال الشاذلى
يصلى عليك
حسنى: والله لو عملتها ياعلاء لكون متبرى منك إلى يوم الدين
علاء: بهزر معاك يابابا ..... أنكل كمال مش حافظ
الفاتحة
حسنى: المشير طنطاوى ياولاد ..... مش حوصيكم عليه . .
الراجل ده عامل زى الست المستحية ....
حاطط وشه فى الأرض على طول وعمره ما
استجرى يرفع عينه فيا ...
وفى نفس الوئت ماسك الجيش بإيد من حديد
سوزان: هوه فعلاً خجول وكل ما يشوفنى ما يئوليش غير
ياست هانم .... إبئى خليه
معاك ياجمال
جمال: حاضر ياماما
حسنى: عايز جنازتى ياولاد الناس تحكى وتتحاكى عنها
... هاتوا المخرج الإيطالى ده اللى إسمه مكافيللى يصورها
علاء وهو يمسك بالألة الحاسبة: هوه حيكلفنا كتير ...
لكن ممكن فى الأخر نلم مبلغ معئول لو خلينا شركة أجنبية
تحتكر حق توزيع الفيديو فى أوروبا وأمريكا
حسنى: عايز أحلى مدفع يشيل النعش يا ولاد
جمال: مدفع رشاش
سوزان: الهزار مش فى الحاجات دى يا جمال
جمال: آسف يا ماما
حسنى: عايز أدفن فى شرم الشيخ ياولاد جنب أولمرت
وشارون
علاء: بلاش يعنى ؟
حسنى: لأ كلها براغيت ياعلاء .... وإسم شرم الشيخ كمان
أشيك بكتير
Add a Comment
<<Home